12 octobre 2026
Votre chronique en Occitan proposée par Felip REIG "Lis Ermas" sur Radio Nîmes tous les mercredis à 6h00, 13h30, 19h00.
_____________________________________________________________________________________
Cette semaine : "LA RINTRADO"
Bràvis ami, lou Felip espèro qu’avès tóuti agu de bèlli vacanço e vous douno lou bonjour… Lou moumen venguè que falié tourna metre lou camin souto nòsti pas, e o, la campano nous diguè que l’ouro de la rintrado avié souna. Pamens de rintrado n’en couneiguère di mai douço… Escoutas. Divèndre, bono-di l’Acadèmi de Sant-Gile e Camargo, d’aqui enant, un relicle atribuï à sant Louïs trounara dins la glèiso abadialo de Sant-Gile. D’efèt, Louïs lou nouven venguè souvènti-fes à Sant-Gile pèr prega avans que de parti en crousado. Uno poulido ceremòni se debanè dins la glèiso basso, presidado pèr lou Comte de Paris e sa famiho e èro celabrado pèr monsegnour Bertrand de la Soujeole, reitour de la basilico Sant-Nazàri-e-Sant-Celse de Carcassouno. Es pas evesque, pamens ié fau douna dóu mounsegnour estènt que fuguè aussa prelat d’ounour de sa Santeta pèr lou Vatican. Es tambèn lou capelan dóu Comte de Paris qu’éu demoro à Mount-reiau, proche Carcassouno. Li cant gregourian èron interpreta pèr li prèire coume acò se fasié à l’age mejan.
L’endeman, lou dissate, la mantenènço de Prouvènço ourganisavo, emé lou councours precious de l’assouciacioun Li Vihado que nous faguèron d’acuiènci calourènto, un coulòqui en Eirago, dins la salo que i’an mes La Bergerie que se trobo dins un pargue remirable ourna pèr uno couleicioun de retra d’escrivan prouvençau, souto la regardaduro apararello dóu Mèstre que soun estatuo sus pèd se ié trobo. La toco d’aquelo journado èro de marca l’anniversàri cènt cinquanten dis Estatut dóu Felibrige. Uno flamo conferènci alargado pèr lou rèire-capoulié En Pèire Fabre presentè lis estatut de 1862, 1876, 1904 e de 1911, valènt-à dire lis estatut dóu tèms de Mistral, emé sis evoulucioun que retrasien aquéli dóu Felibrige. Èro l’óucasioun de parla di mantenènço e de sis escolo que n’en demoron vuei gaire mens d’uno centeno. E pèr acaba, lou dimenche erian un cop de mai à Maiano pèr rèndre óumage à Frederi Mistral. Lou discours de noste capoulié En Paulin Reynard reprenguè, emé forço sapiènci, lou tèmo dis escolo e lou vot du capoulié Devoluy que pantaiè, à la debuto dóu siècle vint, que lis enfant sarien un jour tóuti capable de legi Mirèio vo Calendau. Pamens sèmblo que sian dins uno situacioun paradóussalo…
àTros de dicho.
Adounc fau pas crèire que li mejan atuau e l’inteligènci artificialo poudran ramplaça un jour la trasmessioun umano. Acó marco l’interès pèr l’escolo que ié fau apoundre tambèn la represso dóu flambèu dins li famiho.
Pamens, acò noun esfaço pas la respounsableta dis elegi. Es un afaire de segui. Vaqui tres journado proun cargado d’emoucioun pèr uno rintrado pas ourdinàri. Soulide.
Aro se fau dessepara. Vous doune rendès-vous à la rintrado. D’eici aqui tenès-vous fièr e gaiard. Vous brassège amistousamen. Brave mounde, adissias.
Bràvis ami, lou Felip espèro qu’avès tóuti agu de bèlli vacanço e vous douno lou bonjour… Lou moumen venguè que falié tourna metre lou camin souto nòsti pas, e o, la campano nous diguè que l’ouro de la rintrado avié souna. Pamens de rintrado n’en couneiguère di mai douço… Escoutas. Divèndre, bono-di l’Acadèmi de Sant-Gile e Camargo, d’aqui enant, un relicle atribuï à sant Louïs trounara dins la glèiso abadialo de Sant-Gile. D’efèt, Louïs lou nouven venguè souvènti-fes à Sant-Gile pèr prega avans que de parti en crousado. Uno poulido ceremòni se debanè dins la glèiso basso, presidado pèr lou Comte de Paris e sa famiho e èro celabrado pèr monsegnour Bertrand de la Soujeole, reitour de la basilico Sant-Nazàri-e-Sant-Celse de Carcassouno. Es pas evesque, pamens ié fau douna dóu mounsegnour estènt que fuguè aussa prelat d’ounour de sa Santeta pèr lou Vatican. Es tambèn lou capelan dóu Comte de Paris qu’éu demoro à Mount-reiau, proche Carcassouno. Li cant gregourian èron interpreta pèr li prèire coume acò se fasié à l’age mejan.
L’endeman, lou dissate, la mantenènço de Prouvènço ourganisavo, emé lou councours precious de l’assouciacioun Li Vihado que nous faguèron d’acuiènci calourènto, un coulòqui en Eirago, dins la salo que i’an mes La Bergerie que se trobo dins un pargue remirable ourna pèr uno couleicioun de retra d’escrivan prouvençau, souto la regardaduro apararello dóu Mèstre que soun estatuo sus pèd se ié trobo. La toco d’aquelo journado èro de marca l’anniversàri cènt cinquanten dis Estatut dóu Felibrige. Uno flamo conferènci alargado pèr lou rèire-capoulié En Pèire Fabre presentè lis estatut de 1862, 1876, 1904 e de 1911, valènt-à dire lis estatut dóu tèms de Mistral, emé sis evoulucioun que retrasien aquéli dóu Felibrige. Èro l’óucasioun de parla di mantenènço e de sis escolo que n’en demoron vuei gaire mens d’uno centeno. E pèr acaba, lou dimenche erian un cop de mai à Maiano pèr rèndre óumage à Frederi Mistral. Lou discours de noste capoulié En Paulin Reynard reprenguè, emé forço sapiènci, lou tèmo dis escolo e lou vot du capoulié Devoluy que pantaiè, à la debuto dóu siècle vint, que lis enfant sarien un jour tóuti capable de legi Mirèio vo Calendau. Pamens sèmblo que sian dins uno situacioun paradóussalo…
àTros de dicho.
Adounc fau pas crèire que li mejan atuau e l’inteligènci artificialo poudran ramplaça un jour la trasmessioun umano. Acó marco l’interès pèr l’escolo que ié fau apoundre tambèn la represso dóu flambèu dins li famiho.
Pamens, acò noun esfaço pas la respounsableta dis elegi. Es un afaire de segui. Vaqui tres journado proun cargado d’emoucioun pèr uno rintrado pas ourdinàri. Soulide.
Aro se fau dessepara. Vous doune rendès-vous à la rintrado. D’eici aqui tenès-vous fièr e gaiard. Vous brassège amistousamen. Brave mounde, adissias.
Felip
